Zaidi ya asilimia 70 ya wananchi wa Wilaya ya Bagamoyo wanategemea bahari ya Hindi katika shughuli za uchumi, ikiwa ni pamoja na utalii, usafirishaji, na uvuvi.
Katika hatua muhimu, Taasisi ya Sea Sense imezindua Mradi wa USAID unaoitwa “Heshimu Bahari” katika Wilaya ya Bagamoyo. Mradi huu unalenga kuimarisha ustahimilivu wa kimazingira na kuboresha hali ya maeneo ya kiikolojia ya baharini.
Wakati wa uzinduzi wa mradi, Katibu Tawala wa Mkoa wa Pwani, Rashid Mchata, alikiri juhudi za Sea Sense na kusema kuwa mradi huu ni muhimu kwa kuokoa mazao ya baharini na kuongeza juhudi za pamoja katika kutatua changamoto zinazokabili mazingira ya bahari.
Kwa upande wake, Mkurugenzi wa Sea Sense, Gosbert Katunzi, alieleza kuwa rasilimali za bahari zimekuwa zikipungua kwa kasi kutokana na uvuvi usioendelevu na uvuvi haramu.
Meneja wa Mradi wa USAID “Heshimu Bahari” kutoka Sea Sense, Lydia Mgimwa, alifafanua jinsi mradi huu ulivyoandaliwa na jinsi utakavyotekelezwa kwa ushirikiano wa wadau mbalimbali.
Mradi huu wa USAID “Heshimu Bahari” unatarajiwa kusaidia wananchi wa Bagamoyo kuboresha hali ya maisha yao kwa kupunguza umasikini, na kutoa elimu kuhusu utunzaji wa bahari.
