Na Amani Hamisi Mjege.
Ubalozi wa Marekani nchini Kenya umetoa ushauri wa kiusalama kwa raia wa Marekani, ukitaja maandamano yanayoendelea katika miji kadhaa nchini humo.
Â
Katika taarifa yake iliyotolewa Julai 15, 2024, Ubalozi huo umewaonya raia wake kwamba maandamano huenda yakatokea siku ya Jumanne na Alhamisi haswa katika wilaya za biashara.
Â
Ubalozi huo umewashauri raia wa Marekani kufuatilia vyombo vya habari vya ndani kuhusu hali ya barabara, kuepuka msongamano wa watu, na kufunga milango ya magari na madirisha.
Pia umewataka raia hao kuwajulisha marafiki na familia, kukagua mipango ya usalama wa kibinafsi, na kubeba nakala ya pasipoti zao za Marekani na visa ya Kenya.
Â
Kituo cha Habari cha Citizen kimeripoti kuwa maandamano haya ambayo awali yalionekana kuwa ya amani mara kwa mara yamekuwa ya vurugu, na kusababisha majeraha na vifo huku angalau watu 43 wakifariki kulingana na takwimu za mashirika ya haki za binadamu.
Â
Rais wa Kenya William Ruto aliishutumu Taasisi ya Ford, shirika la hisani lenye makao yake makuu nchini Marekani, kwa kufadhili vikundi vinavyohusika na wimbi la ghasia za hivi majuzi ambazo zimekumba maeneo kadhaa nchini Kenya.
Â
“Wale wanaofadhili machafuko katika Jamhuri ya Kenya, aibu kwao kwa sababu wanafadhili ghasia dhidi ya taifa letu la kidemokrasia, ninataka kuwauliza watu wa Ford Foundation, hizo pesa wanazotoa kufadhili vurugu, watafaidika vipi,” Ruto aliuambia umati mkubwa uliokusanyika kumsikiliza akizungumza katika hafla moja huko Nakuru.
Â
Hakutoa ushahidi maalumu kuunga mkono madai yake lakini alisema angetaja NGOs za ziada zinazoshukiwa kufadhili maandamano ambayo yamelemaza nchi katika mwezi uliopita.
Taasisi ya Ford ilikanusha vikali madai ya Ruto, wakisema kwamba hawaungi mkono vurugu kwa vyovyote vile.
Â
“Hatufadhili au kufadhili maandamano ya hivi majuzi dhidi ya mswada wa fedha na tuna sera isiyopendelea upande wowote kwa utoaji wetu wote wa ruzuku,” Taaisisi hiyo ilisema katika taarifa.
Â
Shutuma za Rais Ruto huenda zikaashiria mabadiliko makubwa katika uhusiano kati ya Kenya na mmoja wa washirika wake wakuu wa Magharibi, taifa la Marekani.
