Rais wa zamani wa Marekani Donald Trump hakika alipigwa risasi na muuaji au kipande cha risasi moja, Shirika la Upelelezi ya Marekani (FBI) lilisema siku ya Ijumaa na kusitisha maswali juu ya namna alivyojeruhiwa mgombea huyo wa chama cha Republican katika mkutano wa kampeni zake hasa kutoka kwa mkurugenzi wa shirika hilo, Christopher Wray mapema wiki hii.
“Kilichompiga Rais wa zamani Trump kwenye sikio ni risasi, iwe nzima au imegawanyika vipande vidogo, ilipigwa kutoka kwa bunduki ya marehemu,” FBI ilisema katika taarifa ya barua pepe iliyotumwa katika vyombo mbalimbali vya habari nchini Marekani.
Sikio la kulia la Trump lilitapakaa damu Julai 13, 2024 baada ya kujeruhiwa wakati wa mkutano wa kampeni huko Pennsylvania huku FBI ikichukulia shambulio hilo lililohusisha mtu mwenye bunduki kufyatua risasi nane kutoka nje ya eneo la usalama la tukio, jaribio la mauaji.
Lakini mkuu wa FBI Christopher Wray aliwaambia wabunge wa Marekani siku ya Jumatano kwamba kulikuwa na shaka kuhusu kile kilichomjeruhi Trump katika sikio lake.
Chama cha Republican kimechapisha kupitia mtandao wa kijamii wa Truth unaomilikiwa na Trump kwamba “Nadhani huo ndio msamaha bora zaidi ambao tutapata kutoka kwa Mkurugenzi. Wray, lakini imekubaliwa kabisa!”, huku Trump akiishutumu FBI kuwa sehemu ya mpango wa kupanga njama dhidi yake.
“Hapana, ilikuwa, kwa bahati mbaya, risasi ilipiga sikio langu, na kulipiga kwa nguvu. Hakukuwa na glasi, hakukuwa na vipande, hospitali iliita ‘jeraha la risasi sikioni,’ na ndivyo ilivyokuwa. Si ajabu kwamba FBI iliyowahi kusimuliwa imepoteza imani ndani ya Marekani!” Alieleza Trump kupitia Truth.
Uchunguzi wa New York Times uliochapishwa Ijumaa ulisema uchambuzi wa kina wa njia za risasi, kanda, picha na sauti unaonesha kuwa Trump alipigwa na risasi ya kwanza kati ya nane iliyopigwa na mtu mwenye bunduki.
