Mbunge wa Jimbo la Mbogwe, Mheshimiwa Nicodemas Maganga, leo ameshiriki ibada katika makanisa ya AIC na AGGCI, ambako ametoa wito kwa waumini kuendeleza amani na mshikamano katika jamii.
Akizungumza na waumini wa makanisa hayo, Mheshimiwa Maganga amesisitiza umuhimu wa kusameheana na kuepuka migogoro inayoweza kuleta mfarakano.
Aidha, amewapongeza viongozi wa dini kwa kuendelea kuhubiri maadili mema na kusaidia jamii katika masuala mbalimbali ya kijamii na kiroho.
Ibada hizo zimehudhuriwa na waumini wengi, wakionyesha mshikamano na kupokea ujumbe huo kwa moyo wa shukrani.
