Katibu Mkuu wa Umoja wa Mataifa, Antonio Guterres, ameonya juu ya uwezekano mkubwa wa kuongezeka kwa mapigano ya kijeshi katika eneo la Sahara Magharibi.
Onyo hilo limetolewa Novemba 1, 2026 kufuatia kusitishwa kwa shughuli za Ujumbe wa Umoja wa Mataifa wa Kura ya Maoni huko Sahara Magharibi (MINURSO), ambao umedumu kwa miaka 35 katika eneo hilo linalozozaniwa vikali.
Katika taarifa iliyotolewa kupitia msemaji wake Stephane Dujarric, Guterres pia ameeleza wasiwasi wake kuhusu usalama wa eneo hilo na hatari ya kushamiri kwa uhasama kati ya pande zinazovutana. Huku akizitaka pande zote zinazohusika kujiepusha na vitendo vyovyote vinavyoweza kuchochea mvutano au kuhatarisha utulivu wa kikanda katika ukanda huo wa Afrika Kaskazini.
Hata hivyo kusitishwa kwa misheni hiyo ya MINURSO kumetokana na Baraza la Usalama la Umoja wa Mataifa kushindwa kuongeza muda wa mamlaka yake baada ya kumalizika Oktoba 31.
