Kimbunga Oscar kilipiga mashariki mwa Cuba jioni, kikisababisha upepo mkali wa kasi ya kilomita 130 kwa saa. Mamlaka ya Hali ya Hewa ya Cuba (Insmet) imeripoti kuwa kimbunga hicho kilikumba pwani ya jimbo la Guantanamo, karibu na mji wa Baracoa, sehemu ya mashariki mwa kisiwa hicho.
Tukio hili limetokea wakati serikali ya Cuba ikiendelea kukabiliana na tatizo la ukosefu wa umeme ambalo limekuwa likiathiri taifa hilo kwa siku tatu mfululizo, kufuatia hitilafu kwenye mtambo mkubwa wa umeme.
Rais wa Cuba, Miguel DÃaz-Canel, ameahidi kuchukua hatua kali dhidi ya yeyote atakayevuruga amani na utulivu katika kipindi hiki kigumu ambacho taifa linaendelea kuwa gizani.
Kwa zaidi ya miezi mitatu, Cuba imekuwa ikikabiliwa na mgao wa umeme ambao umeathiri kwa kiasi kikubwa shughuli za kijamii na kiuchumi. Kukatika kwa umeme nchini humo kumezua hali ya wasiwasi, na ni miongoni mwa sababu zilizochochea maandamano makubwa ya Julai 11, mwaka 2021.
Ni muhimu pia kukumbuka kuwa mwezi Septemba mwaka 2022, kimbunga Ian kilipiga magharibi mwa Cuba na kusababisha kukatika kwa umeme kwa muda wa siku kadhaa, hali ambayo ilitishia uchumi na utulivu wa nchi hiyo.
