Na Helena Magabe,Rorya
Kanisa Katoriki jimbo la Musoma liliamua kuwachia Wananchi eneo walilovamia lenye ukubwa wa ekari 35.7 huku likiwaomba eneo lililobaki lenye ukubwa wa ekari 51.16 wasilivamie kwani mikakati ya kuliendeleza imekamilika.
Kijjiji cha Buganjo kata ya Bukwe Wilayani Rorya kinadaiwa kuvamia eneo la kanisa katoriki lenye ukubwa wa ekari 35.7 na kusababisha mgogoro wa ardhi uliodumu kwa miaka 36 ambapo kanisa limeaamua kuwaachia mbele ya Mkuu wa Wilaya ya Rorya Stanslauce Mabula ameshukuru juu ya hatua hiyo.
Kwa mujibu wa Padre Michael Nyamuhanga ambaye ni  katibu msaidizi wa Baba Askofu na aliyekuwa Mwakilishi wa bodi ya
udhamini alimwambia Dc Mabula kuwa eneo hilo linamilikiwa na kanisa kwa hati namba 8148 lenye ukubwa wa ekari 91 na wakati kanisa inalimiliki hakukuwana makazi ya Watu kwani wangekuwepo wangetakiwa kulipwa fidia.
Aliongeza kuwa  baadaa ya Wananchi kuvamia eneo lenye ukubwa wa ekari 35.7 kanisa lilikuwa likitumia ekari 4.3 hivyo wananchii wametakiwa kutovamia eneo ambalo limebaki lina ukubwa wa ukubwa wa ekari 51.16.
Alisema haikuwa rahisi kuwaachia kwani kuvamia eneo ni kinyume na Sheria ya mwaka 1999 kifungu no 175 lakini waliamua kuachia kwaajili ya kujenga mahusiano mazuri .
Hatua hiyo imemfurahisha Dc wa Wilaya hiyo kwa uamuzi huo ambapo alipongeza kanisa kwa kutatua mgogoro huo uliodumu miaka mingi na kuongeza kuwa upo mgogoro mwingie katika Wilaya yake baina ua Kanisa na Wananchi.
